FSC-CCOO Galicia | 27 abril 2024.

8M Todo o ano, todo o tempo. POLA IGUALDADE DE XÉNERO
  • Menú Documentos

    CCOO convoca para o 17 de abril, xornada de folga nos portos de interese xeral

    • A folga convocada por CCOO afectará a todo o sistema portuario de titularidade estatal, Portos do Estado e 28 Autoridades Portuarias.

    A folga convócase pola falta de resposta ao asinamento do preacordo de III Convenio Colectivo, asinado polas partes lexitimadas o pasado día 3 de outubro do 2018. O preacordo acadado segue sen ser aprobado polo Ministerio de Facenda, a pesar do tempo transcorrido, de contar co visto e prace do Ministerio de Fomento e do compromiso do propio ministro de Fomento de levalo a termo.

    10/04/2019.
    Portos do Estado en folga

    Portos do Estado en folga

    Preto de cinco mil traballadores e traballadoras viron acernados dereitos e retribucións que afectan, con carácter xeral, ao conxunto de empregados e empregadas públicos nos últimos anos. Non obstante, ao persoal dos portos en concreto, bloqueáronselle as partidas económicas destinadas a carreira profesional e produtividade, desde o ano 2010. Todo o anterior supuxo un recorte salarial próximo ao 30 % no acumulado.
     
    Dáse a incongruencia de que o sistema portuario é economicamente autosuficiente, non xera nin afecta o déficit público, é máis, o sistema portuario na súa globalidade xerou 200 millóns de euros de beneficios/ano.
     
    Negar a aprobación do III Convenio Colectivo é negar o dereito á negociación colectiva e incumprir co instaurado nas sucesivas leis de portos que determinaron que se establecerá un convenio de carácter estatal para articular as relacións laborais.
     
    Promesas polo de agora incumpridas que xa non garanten a paz social. Desde CCOO formulamos a recuperación de dereitos, entre eles o dereito á negociación colectiva, negado teimudamente polo Ministerio de Facenda. Só interesan os beneficios dos portos: o dereito dos traballadores e traballadoras importan pouco ou nada.
     

      •