Unidade Conductas adictivas de Carballo en el edificio dos Servizos sociais do Concello.
A Rede de Tratamento de Condutas Adictivas de Galicia (RTCAG), xestionada conxuntamente con municipios e ONG, integra 30 dispositivos e máis de 200 profesionais que proporcionan tratamentos en réxime ambulatorio, semirresidencial e residencial, cun modelo de atención integral, biopsicosocial e comunitario que da respostas asistenciais eficaces ás múltiples dimensións do problema das drogodependencias
Desde 2009 estase a producir unha deterioración progresiva na coordinación, estrutura e actividade da RTCAG, reflectido nas seguintes accións:
• Paralización do proxecto de integración desta rede asistencial, obrigando a concellos e ONG a manter a xestión duns recursos sanitarios que son de competencia exclusiva do Servizo Galego de Saúde.
• Cambios na organización do Servizo Galego de Saúde e da Consellería de Sanidade que foron deteriorando a dependencia orgánica e funcións das estruturas competentes en saúde mental e drogodependencias que conlevaron, na práctica, o desmantelamento do PGD.
• Muda dos convenios bilaterais anuais nun convenio instrumental coa Federación
Galega de Municipios, para as administracións locais.
• Plan de Trastornos Adictivos de Galicia 2011-2016 profundamente desatendido polas estruturas responsables do seu desenvolvemento.
• Incumplimento dos obxectivos da Estratexia Sergas 2020 en materia de adiccións
• Minimización das adiccións e invisibilización da RTCAG no Plan de Saúde Mental de Galicia poscovid-19
As solucións peopostas:
• Elaboración dun plan de futuro que dea resposta ás necesidades reais da saúde mental e especificamente ás necesidades organizativas e funcionais en materia de asistencia aos trastornos relacionados con substancias e trastornos adictivos, baseado na evidencia científica, os indicadores do Sistema Nacional de Saúde, a opinión e colaboración de persoas expertas, os resultados de avaliacións de documentos estratéxicos anteriores e as opinións das persoas usuarias do sistema público de saúde.
• Incorporación deste plan na Estratexia galega de saúde, con elaboración específica dun plan de desenvolvemento sectorial, conforme ao establecido no capítulo VI sobre a “Planificación do Sistema público de saúde: a Estratexia galega de saúde e os seus instrumentos de desenvolvemento sectorial e territorial”, da Lei 8/2021, do 25 de febreiro, de modificación da Lei 8/2008, do 10 de xullo, de saúde de Galicia.