FSC-CCOO Galicia

Sectores
Aéreo e Servizos Turísticos
Actualidade

Comezan as mobilizacións nas torres de control de Vigo e A Coruña tras a intransixencia de Saerco

SAERCO fixo unha interpretación abusiva dos servizos mínimos e entregou carta ao 100 % das persoas que estarán de quenda, incluída a imaxinaria (reforzo).
As convocatorias de folga continuarán todos os luns do mes de febreiro, tras última oferta que fixo chegar SAERCO, concesionaria, entre outras, das torres de control dos aeroportos de A Coruña e Vigo, ao pretender cargar sobre as traballadoras e traballadores do sector a súa política de “low costizatición”.
O xoves reuníronse a Representación Legal das e os Traballadores (RLT) dos provedores de servizos nas torres de control liberalizadas coa patronal, conformada por FerroNats e SAERCO, pero o encontro resultou infrutuoso.

A Representación dos Traballadores quixo esgotar todas as posibilidades confiando en que se producise un cambio na postura inmobilista de SAERCO, unha das dúas empresas que conforman a citada patronal, tras acabar sen acordo a mediación celebrada na Fundación SIMA o pasado día 19, o que provoca a convocatoria de folga que comeza hoxe, 30 de xaneiro, nun dos sectores estratéxicos de España.na que non está a haber incidencias, só canceláronse dous voos en Vigo, un Barcelona ida e volta de Vueling

30/01/2023.

As torres de control de Vigo e A Coruña en folga

As torres de control de Vigo e A Coruña en folga

Tras a infrutuosa reunión no Servizo Interconfederal de Mediación e Arbitraxe do pasado día 19, tanto a parte social como FERRONATS, empresa que xunto á primeira forman a patronal de Provedores Civís de Tránsito Aéreo do Mercado Liberalizado, propuxeron unha reunión previa á folga coa Secretaría de Estado de Transportes en busca dunha posible intermediación, á que SAERCO opúxose.

Despois da reunión do SIMA, as de negociación do convenio, e a negativa para acudir a outras instancias institucionais dunha parte da patronal, CCOO xunto a USCA manteñen a convocatoria de folga para os días 30 de xaneiro e 6, 13, 20 e 27 de febreiro que afectará ademais da estas dúas infraestruturas galegas, a catorce aeroportos máis en todo o Estado.

Na xornada de hoxe a empresa concesionaria, SAERCO, fixo unha interpretación abusiva dos servizos mínimos e entregou carta ao 100 % das persoas que estarán de quenda, incluída a imaxinaria (reforzo). Non está a haber incidencias , só canceláronse dous voos en Vigo, un Barcelona ida e volta de Vueling ,o persoal afectado en Galicia é de 17, 9 na Coruña e 8 en Vigo

CCOO incide tamén en que o xestor aeroportuario AENA debe tomar cartas nun asunto que é da súa plena incumbencia ao ser a empresa pública a licitadora dos concursos desas torres de control.

Unha vez máis se demostra que o privatizado non mellora o público, e debería tomarse en consideración a reversión dese servizo público que afecta á primeira industria do país.