FSC-CCOO Galicia | 21 Novembro 2024.

iV CONCURSO DE DEBUXO FSC GALICIA 2024
  • Menú Documentos

    Desconvocada a folga DS SMITH PACKAGING GALICIA S. A.

      Acadouse un preacordo entre dirección e comité de empresa que, a falta de ser ratificado pola asemblea, permite desconvocar os paros previstos para o 31 de outubro e 4 de novembro.

      28/10/2024.
      DS SMITH VILAGARCIA

      DS SMITH VILAGARCIA

      Na mañá deste venres, 25 de outubro, reuníronse a dirección de DS Smith e o comité de empresa. A finalidade da xuntanza era tentar desbloquear a negociación do acordo que levara a convocar os paros previstos.

      A reunión rematou xa entrada a tarde cun principio de acordo que recolle medidas que van na liña de reducir as diferenzas salariais existentes e a mellora das condicións salariais do persoal en xeral, dous dos principais eixes da negociación que se formulara desde o comité. Ademais, inclúense medidas relativas á clasificación profesional, todas elas en prol de reforzar os dereitos e condicións das persoas traballadoras desta empresa.

      Forma parte deste acordo a desconvocatoria da folga prevista para os días 31 de outubro e 4 de novembro, e que será comunicada á asemblea de traballadores e traballadoras para que, se é do agrado do colectivo, poida ser ratificado como paso previo ao asinamento do acordo final.

        •