FSC-CCOO Galicia | 13 Febreiro 2026.

  • Menú Documentos

    Continúan convocadas as xornadas de folga no Grupo Renfe.

      As negociacións están abertas e CCOO segue participando activamente nos distintos espazos de diálogo.

      07/02/2026.
      Folga 9, 10 e 11 de febreiro.

      Folga 9, 10 e 11 de febreiro.

      As negociacións están abertas e CCOO segue participando activamente nos distintos espazos de diálogo.

      Tras varios días de intensas negociacións entre o Ministerio de Transportes e Movilidad Sostible e as organizacións representativas do sector, as folgas convocadas no Grupo Renfe polo Comité Xeral de Empresa e por CCOO para os días 9, 10 e 11 de febreiro seguen adiante ao non alcanzarse aínda solucións concretas ás reivindicacións expostas.

      Tal e como trasladamos desde o primeiro momento, a nosa vontade foi e segue sendo alcanzar acordos que permitan dar resposta ás reivindicacións que motivaron este conflito. Nese sentido, as negociacións continúan abertas e a nosa organización segue participando activamente nos distintos espazos de diálogo.

      Con todo, a día de hoxe, debemos ser claros:

      • Non se produciron avances suficientes

      • Non se concretaron compromisos

      • E non se deron respostas reais ás reivindicacións expostas

      As causas que nos levaron á convocatoria de folga seguen plenamente vixentes: a deterioración da fiabilidade e da calidade do servizo ferroviario, a falta de recursos humanos e materiais, a ausencia de planificación e a externalización de actividades esenciais que afectan directamente o funcionamento diario do ferrocarril público.

      Por todo iso, mentres non se produzan respostas concretas que permitan reverter esta situación, a convocatoria de folga mantense nos termos comunicados.

      CCOO seguirá negociando ata o último momento, pero non renunciará ás mobilizacións se son necesarias para defender o servizo ferroviario público e as condicións nas que o prestamos cada día.

      En tanto non se produzan avances substanciais no proceso de negociación, a convocatoria de folga continúa vixente.